Scottish Songs - Lyrics and Melodies 
A   B   C-D   E-G   H-I   J-L  M-N  O   P-S   T  U-Z

To the Weaver's Gin Ye Go

Robert Burns, 1788

Chorus:
To the weaver's gin ye go, fair maids,
To the weaver's gin ye go,
I rede you right, gang ne'er at night,
To the weaver's gin ye go.

My heart was ance as blythe and free
As simmer days were lang;
But a bonny, westlin weaver lad
Has gart me change my sang.
Chorus

2. My mither sent me to the town,
To warp a plaiden wab;
But the weary, weary warpin o't
Has gart me sigh and sab.
Chorus

3. A bonny, westlin weaver lad
Sat working at his loom;
He took my heart, as wi' a net,
In every knot and thrum.
Chorus

4. I sat beside my warpin-wheel,
And ay I ca'd it roun';
And every shot and every knock,
My heart it gae a stoun.
Chorus

5. The moon was sinking in the west
Wi' visage pale and wan,
As my bonny, westlin weaver lad
Convoy'd me thro' the glen.
Chorus

6. But what was said, or what was done,
Shame fa' me gin I tell;
But O! I fear the kintra soon
Will ken as weel's mysel!
Chorus

 Scottish Songs - Lyrics and Melodies 
A   B   C-D   E-G   H-I   J-L   M-N   O   P-S   T   U-Z

All material in the site Glasgow Guide is copyright of the Glasgow Guide Organisation. This material is for your own private use only, and no part of the site may be reproduced, amended, modified, copied, or transmitted to third parties, by any means whatsoever without the prior written permission of the copyright owner. All rights reserved.

Glasgow Hotels: book cheap hotels in Glasgow online now