Glasgow What's On
Glasgow Reviews
Glasgow Gallery
Glasgow Links
| ||
| ||
Location: Scottish Songs - Lyrics and Melodies
A B C-D E-G H-I J-L M-N O P-S T U-ZThe Trogger
"Buy Broom Besoms"Robert Burns, 1796; Heron Election Ballad, No. IV
Wha will buy my troggin, fine election ware,
Broken trade o' Broughton, a' in high repair?Chorus
Buy braw troggin frae the banks o' Dee;
Wha wants troggin let him come to me.2. There's a noble Earl's fame and high renown,
For an auld sang-it's thought the gudes were stown
Chorus3. Here's the worth o' Broughton in a needle's e'e;
Here's a reputation tint by Balmaghie.
Chorus4. Here's its stuff and lining, Cardoness' head,
Fine for a soger, a' the wale o' lead.
Chorus5. Here's a little wadset, Buittle's scrap o' truth,
Pawn'd in a gin-shop, quenching holy drouth.
Chorus6. Here's an honest conscience might a prince adorn;
Frae the downs o' Tinwald, so was never worn.
Chorus7. Here's armorial bearings frae the manse o' Urr;
The crest, a sour crab-apple, rotten at the core.
Chorus8. Here's the worth and wisdom Collieston can boast;
By a thievish midge they had been nearly lost.
Chorus9. Here is Satan's picture, like a bizzard gled,
Pouncing poor Redcastle, sprawlin' like a taed.
Chorus10. Here's the font where Douglas stane and mortar names;
Lately used at Caily christening Murray's crimes.
Chorus11. Here is Murray's fragments o' the ten commands;
Gifted by black Jock to get them aff his hands.
Chorus12. Saw ye e'er sic troggin? if to buy ye're slack,
Hornie's turnin chapman - he'll buy a' the pack.
Chorus
Scottish Songs - Lyrics and Melodies
A B C-D E-G H-I J-L M-N O P-S T U-Z
All material in the sites (www.glasgowguide.co.uk) and (www.glasgowguide.com) is copyright of the Glasgow Guide Organisation. This material is for your own private use only, and no part of the site may be reproduced, amended, modified, copied, or transmitted to third parties, by any means whatsoever without the prior written permission of the copyright owner. All rights reserved.