Scottish Songs - Lyrics and Melodies 
A   B   C-D   E-G   H-I   J-L  M-N  O   P-S   T  U-Z

Muirland Meg

"Saw Ye My Eppie McNab"

from the Merry Muses of Caledonia, 1800

Amang oor young lassies there's Muirland Meg,
She'll beg or she work, and she'll play or she beg,
At threteen her maidenheid flew to the gate,
And the door o' her cage stands open yet.

Chorus
And for a sheep-cloot she'll do't,
And for a toop-horn she'll do't tae the morn,
And merrily turn and do't, and do't.

2. Her kittle black een they wad thirl ye through,
Her rose-bud lips cry, kiss me noo;
The curls and links o' her bonnie black hair,
Wad put ye in mind that the lassie has mair.
Refrain: 3. An armfu' o' love is her bosom sae plump,
A span o' delight is her middle sae jimp;
A taper, white leg, and a thumpin' thie,
And a fiddle near by, an' ye play a wee!
Refrain: 4. Love's her delight, and kissin's her treasure;
She'll stick at nae price, and ye gie her gude measure,
As lang's a sheep-fit, and as girt's a goose-egg,
And that's the measure o' Muirland Meg.
Refrain:

 Scottish Songs - Lyrics and Melodies 
A   B   C-D   E-G   H-I   J-L   M-N   O   P-S   T   U-Z

All material in the site Glasgow Guide is copyright of the Glasgow Guide Organisation. This material is for your own private use only, and no part of the site may be reproduced, amended, modified, copied, or transmitted to third parties, by any means whatsoever without the prior written permission of the copyright owner. All rights reserved.

Glasgow Hotels: book cheap hotels in Glasgow online now