Scottish Songs - Lyrics and Melodies 
A   B   C-D   E-G   H-I   J-L  M-N  O   P-S   T  U-Z

My Lord A-Hunting

Robert Burns, 1787

Chorus:
My lady's gown, there's gairs upon't,
And gowden flowers sae rare upon't;
But Jenny's jimps and jirkinet,
My lord thinks meikle mair upon't.

My lord a-hunting he is gone,
But hounds or hawks wi' him are nane;
By Colin's cottage lies his game,
If Colin's Jenny be at hame.
Chorus

2. My lady's white, my lady's red,
And kith and kin o' Cassillis' blude;
But her ten-pund lands o' tocher gude;
Were a' the charms his lordship lo'ed.
Chorus

3. Out o'er yon muir, out o'er yon moss,
Whare gor-cocks thro' the heather pass,
There wons auld Colin's bonie lass,
A lily in a wilderness.
Chorus

4. Sae sweetly move her genty limbs,
Like music notes o'lovers' hymns:
The diamond-dew in her een sae blue,
Where laughing love sae wanton swims.
Chorus

5. My lady's dink, my lady's drest,
The flower and fancy o' the west;
But the lassie than a man lo'es best,
O that's the lass to mak him blest.
Chorus

 Scottish Songs - Lyrics and Melodies 
A   B   C-D   E-G   H-I   J-L   M-N   O   P-S   T   U-Z

All material in the sites (www.glasgowguide.co.uk) and (www.glasgowguide.com) is copyright of the Glasgow Guide Organisation. This material is for your own private use only, and no part of the site may be reproduced, amended, modified, copied, or transmitted to third parties, by any means whatsoever without the prior written permission of the copyright owner. All rights reserved.

Glasgow Hotels: book cheap hotels in Glasgow online now