Scottish Songs - Lyrics and Melodies 
A   B   C-D   E-G   H-I   J-L  M-N  O   P-S   T  U-Z

The Bard

Melody

Robert Burns

Chorus:
For a' that, an a' that,
An twice as muckle's a' that,
I've lost but ane, I've twa behin',
I've wife eneugh for a' that.

I am a Bard of no regard,
Wi'gentle folks an a' that,
But Homer-like the glowrin byke,
Frae town to town I draw that.
Chorus

2. I never drank the Muses stank,
Castalia's burn, an a' that;
But there it streams, an richly reams-
My Helicon I ca' that.
Chorus

3. Great love I bear to a' the fair,
Their humble slave an a' that;
But lordly will, I hold it still
A mortal sin to thraw that.
Chorus

4. In raptures sweet this hour we meet,
Wi' mutual love an a' that;
But for how lang the flie may stang,
Let inclination law that!
Chorus

5. Their tricks an craft hae put me daft,
They've taen me in, an a'that;
But clear your decks, an here's the Sex!
I like the jads for a'that.
Chorus

6. For a' that an a' that,
An twice as muckle's a' that,
My dearest bluid, to do them guid,
They're welcome till't for a' that!
Chorus

 Scottish Songs - Lyrics and Melodies 
A   B   C-D   E-G   H-I   J-L   M-N   O   P-S   T   U-Z

All material in the sites (www.glasgowguide.co.uk) and (www.glasgowguide.com) is copyright of the Glasgow Guide Organisation. This material is for your own private use only, and no part of the site may be reproduced, amended, modified, copied, or transmitted to third parties, by any means whatsoever without the prior written permission of the copyright owner. All rights reserved.

Glasgow Hotels: book cheap hotels in Glasgow online now